arcumander quista paginaemailFacebookTwitter

Lezchas

Sen e scopo da las lezchas
Las lezchas cumplementeschan l'instrucziun. Ellas dessan aprofundir e consolider la materia tratteda in scoula e preparer als iffaunts süll'instrucziun. 

Ils iffaunts dessan s'adüser da lavurer independentamaing ed imprender a partir aint lur temp da lavur.

Tres las lezchas survegnan ils genituors ün'invista illa materia da scoula e paun tres que güdicher pü bain il möd da lavurer e la prestaziun da lur iffaunt.

Pratcha da lezchas

  • Ad es d'avantag scha l'iffaunt ho da fer regulermaing lezchas in pitschnas purziuns.
  • La qualited sto aunz la quantited! D'avantag sun lezchas chi promouvan il penser e chi preparan a l'iffaunt süll'instrucziun. Tiers tuochan eir exercizis da repetiziun, per approfundir que chi'd es gnieu tratto in scoula.
  • Las lezchas vegnan controlledas da la magistra/dal magister e scha fo dabsögn eir discutedas cul iffaunt.
  • La quantited ed il gener da las lezchas vegnan adattedas a l'eted dals iffaunts.
  • Düraunt l'ultima lecziun da bloc (11.15 - 12.00h) paun las lezchas gnir fattas in scoula.
  • Scha las lezchas nun haun üna vouta pudieu gnir fattas, stu que gnir comunicho a la persuna d'instrucziun (suotascripziun aint il cudeschin da lezchas).

Tips per genituors

  • Ch'Els fixan insembel cun lur iffaunt il temp cur ca vegnan fattas las lezchas.
  • Las lezchas dessan avair priorited aunz las otras activiteds (hobbi, computer, telefonin, televisiun...)
  • Il lö per fer las lezchas dess esser cler e quiet (üngüna televisiun, üngün radio, üngün telefonin, üngüns fradgliuns i'l listess local).
  • L'iffaunt dess fer per regla sias lezchas sulet. Scha que do repetidamaing problems cun fer las lezchas dessan ils genituors piglier sü contact cul magister/culla magistra.
  • Ils genituors dessan musser interess per la scoula, per las lezchas ed eir  luder a l'iffaunt per sias fadias.