arcumander quista paginaemailFacebookTwitter

Nossa Scoula

Nossa scoula

La scoula cumünela da Schlarigna exista our da la scoulina (2 ans) ed our da la scoula primara (1. fin 6. classa). In üna infrastructura moderna sun las premissas ideelas per imprender. La grandezza da las classas variescha traunter 10 e 20 scolars.

La magistraglia, chi instruescha daspö ans e decenis a Schlarigna, as cumpuonna  our da duos mussedras, ün’acumpagnedra da lingua,ses magisters/magistras da classa, üna magistra da scouletta, trais pedagogas currativas ed üna magistra d’assimilaziun.

Nossa scoula es daspö l’avuost 2006 üna scoula bilingua, que voul dir cha’ls iffaunts haun l’occasiun d’imprender già in scoulina las duos linguas rumauntsch (idiom putèr) e tudas-ch.

La scoula cumünela da Schlarigna
La scoula cumünela da Schlarigna

Nossa scoula 2

Scoulina: La scoulina ho duos scumpartiziuns chi sun masdedas cun iffaunts dal prüm e dal seguond an. Las mussedras vegnan sustgnidas d’üna accumpagnedra da lingua rumauntscha e d’üna pedagoga curativa.

Scoula primara: Düraunt ils prüms ses ans da la scoula primara vegnan instruieus 65% fin 75 % dals rams in lingua rumauntscha e 25% fin 35 % in lingua tudas-cha. Per mincha classa es respunsabel ün magister da classa. In 2a fin 6 evla classa vain il ram scouletta instruieu d’üna magistra da rams speciels.

S-chelin ot: Il s-chelin ot (scoula reela e secundara) as rechatta a Samedan. Ils scolars e las scolaras vegnan transportos culs mezs publics (bus, tren)
In vicinanza as rechattan trais scoulas medias privatas: l’Academia Engiadina a Samedan, il Lyceum Alpinum a Zuoz e l'Institut Otalpin a Ftan.