arcumander quista paginaemailFacebookTwitter

Accumpagnamaint linguistic

Accumpagnamaint linguistic in scoulina

Schlarigna ho üna scoulina bilingua. Trais aunzmezdis l'eivna sustegna duonna Gabi Weidmann ils ffaunts illa lingua rumauntscha. Uschè imprendan ils iffaunts tudas-ch e rumauntsch già düraunt il temp da scoulina.

Ils böts da l‘accumpagnamaint da lingua sun:

  • contact intensiv culla lingua rumauntscha
  • dis-charg da la mussedra in sia lezcha da musser rumauntsch
  • cussagliaziun e sustegn da las mussedras
  • L‘accumpagnedra promouva a tuot ils iffaunts glistess ed
  • es preschainta in tuottas duos scoulinas duos aunzmezdis.


Lezchas da l‘accumpagnedra da lingua
Insembel culla mussedra tschernan ellas üna fuorma d‘instrucziun adatteda per la gruppa d‘iffaunts e preparan  e realiseschan las lecziuns cumünaivelmaing (in gruppas pitschnas)

  • Ella aintra in contact cun singuls iffaunts u cun gruppas pitschnas düraunt il gö liber (fer gös da maisa, guarder cudeschs etc.)
  • Iffaunts chi sun gnieus a ster a Schlarigna be d‘incuort ed iffaunts chi haun fadia culla lingua vegnan promovieus individuelmaing (düraunt il temp d‘introducziun u düraunt il gö liber)
  • Iffaunts da lingua materna rumauntscha ed oters iffaunts cun bunas cugnuschentschas da la lingua rumauntscha vegnan promovieus sün lur livel