arcumander quista paginaemailFacebookTwitter

Chalandamarz

Chalandamarz – üna vegl'üsaunza egiadinaisa

Las rischs da l'üsaunza da Chalandamarz derivan dal temp pajaun. Il mais da marz ho survgnieu sieu nom dal dieu romaun dal sulagl e da la guerra Mars. Tenor il chalender julian cumanzaiva l'an nouv als 1. da marz ed illas regiuns pü chodas deira que eir il cumanzamaint da la prümavaira. Quist evenimaint gniva festagiò per adurer a Mars per ch'el benedescha la muaglia, ils pros ed ils ers. Ils Romauns haun eir gieu üna grand'influenza in Engiadina ed haun uschè lascho inavous stizis da lur temp.

 

Hoz as improuva da s-chatscher ils spierts d'inviern in schloppand las giaischlas, s-chelland e chantand chanzuns da prümavaira. Cun fer canera as voul s-chatscher l'inviern per ch'el fatscha plazza a la prümavaira. Que nun es però adüna sto uschè: Düraunt il temp dal pietissem (1750) ho il ravarenda schlarignot, Gian Battista Fritschun, scumando da festager Chalandamarz. Circa 200 ans pü tard s'ho decis l'an 1968 da reintrodür quist'üsaunza. Daspö alura es il Chalandamarz pels iffaunts la pü bella festa da l'an.

Fögl d’avis (PDF 234 KB)
Foglio d’avviso (PDF 216 KB)