Baselgia

A Schlarigna es ca. 50 % da la populaziun evangelic refurmeda e 50 % catolic romauna. Predgias haun lö minch’eivna illas baselgias. Ils uraris vegnan publichos adüna la sanda illa Engadiner Post/Posta Ladina ed illas chaistinas tar las baselgias.

Nouva raspeda Engiadin’Ota

La baselgia refurmeda da la vschinauncha Schlarigna fo part daspö ils 1. schner 2017 a la raspeda evangelica refurmeda Engiadin’Ota nouv fundeda cul nom «Refurmo». Schlarigna fo part dal circul d’immez, insembel cun Puntraschigna e Samedan. Ils ravarendas da la vschinauncha sun respunsabels e persunas da contact per tuot las fatschendas da pastoraziun e baselgia. Per reservaziuns e fittedas da las baselgias e Peidra Viva es respunsabla l’administraziun da la raspeda.

Baselgias e localiteds paun gnir reservedas online.

Il rapreschantant da Schlarigna illa suprastanza da la raspeda es vacant.

Predgias ed activiteds

Occurrenzas

Uras d’avertüra baselgias

Baselgia Bel Taimpel (baselgia da la vschinauncha):
lündeschdi fin venderdi da las 10.00 fin las 18.00

San Gian:
Dals 17 gün fin als 14 october 2024 adüna lündeschdi a las 14.00 do que üna guida da 45 min
Visita sainza guida illa Baselgia San Gian: adüna mardi e marculdi da las 14.00 fin las 15.00 a partir dals 18 gün fin als 16 october 2024

Baselgia Crasta:
sper las predgias be sün dumanda tar l’administraziun