Uffizi d’abitants

Els paun lascher fer üna carta d’identited tar la controlla d’abitants. Perque stöglian Els per plaschair gnir persunelmaing al fnestrigl. Ch’Els piglian cun se la carta d’identited veglia ed üna fotografia da passaport actuela e qualitativamaing buna. Sch’Els vessan dad avair pers la carta d’identited druvains per la dumanda nouva ün’avis da perdita da la polizia chantunela. Il temp da lavur incl. la consegna düra ca. desch dis da lavur.

Iffaunts a partir da set ans stöglian suottascriver persunelmaing la dumanda per üna carta d’identited. Fin tal 18evel an accumplieu stöglian els avair üna procura dals genituors. Perque es bsögnaivla la preschentscha dal rapreschantant leghel al fnestrigl.

La carta d’identited cuosta 70 francs per creschieus e 35 francs per iffaunts e giuvenils suot 18 ans. (incl. cuosts da porto). Las taxas sun da pajer bar directamaing tar la dumanda. Vossa carta d’identited survgnis inscrit culla posta.

La düreda importa 10 ans per creschieus e 5 ans per iffaunts fin 18 ans.

Els paun dumander Vos passaport nouv ubain sulet u in cumbinaziun cun üna carta d’identitied nouva. Per fer la dumanda haun Els las seguaintas pussibilteds:

• Els paun inoltrer la dumanda online. Per las datas biometricas as po eir güsta fer ün termin in ün dals centers da passaports.
• Els paun fer la dumanda per telefon tar ün dals duos centers da passaports e fer ün termin per las datas biometricas.

Ulteriuras infurmaziuns as survain online u tal Center da passaports a Cuira.

Scha Vus essas annunzchos cun ün attest da vschinedi in nossa vschinauncha, schi pudais lascher fer üna carta d’indigens tar la controlla d’abitants. Perque vain druvo üna fotografia da passaport actuela. Cartas d’indigens veglias u scadidas stöglian adüna gnir purtedas cun se. La carta d’indigens vela adüna ün an e po darcho gnir prolungeda tar la controlla d’abitants.

Lur extrat dal register penel paun Els puster online. La taxa pel extrat paun Els pajer culla carta da credit u culla Postcard tar la postaziun online.

Persunas sainza access a l’internet paun dumander il formuler tals uffizis postels.

Tenor ledscha federela davart la sgüraunza d’amalos (LAMal) e la ledscha davart la sgüraunza d’amalos e la reducziun da premias (LARP) sun las vschinaunchas respunsablas per l’execuziun da l’oblig da la sgüraunza per tuot il pövel da la Svizra. Per princip stöglian tuot las persunas, chi haun lur domicil in Svizra, as sgürer tar üna chascha d’amalos svizra.

Ils patruns da lavur sun oblios d’infurmer in scrit davart il cumanzamaint d’üna relaziun da lavur d’ün lavuraint ester cun permiss L u B (nom, prenom, data da naschentscha, nom ed agentura da la sgüraunza d’amalos, möd da contrat). Medemmamaing stöglian els annunzcher mincha finischiun da la relaziun da lavur ouravaunt a la controlla d’abitans. Quist oblig d’annunzcha pertuocha il stedi da l’oblig da la sgüraunza d’amalos e nu scrouda zieva avair arvschieu il permiss da lavur.

Persunas cun ün permiss da cunfinari paun tscherner traunter üna sgüraunza d’amalos svizra u estra infra trais mais a partir da la data da validited dal permiss da lavur. Tenor tscherna resulta l’agir seguaint: