Uffizi d’impostas

Incumbenzas principelas

  • Administraziun dal register d’impostas
  • Taxaziun da las impostas federelas, chantunelas e cumünelas
  • Repartiziun d’impostas intercumünelas, interchantunelas ed internaziunelas
  • Taxaziun e metter in quint las impostas specielas (Impostas da müdamaun)
  • Taxas da giasts e dal turissem

Ulteriuras incumbenzas

  • Administraziun da las stimas da las immobiglias
  • Elavuraziun ed execuziun da dumandas e decrets
  • Coordinaziun cul uffizi d’impostas chantunel
  • Post d’infurmaziun intern per dumandas d’impostas

Contact

Thomas Michel
Mneder uffizi d'impostas
T +41 81 837 36 82
thomas.michel@celerina.ch

Sorts d’impostas e tariffas d’impostas

Chantun 100 %
Vschinauncha 50 %
Impostas baselgia evangelica chantunela 3.5 %
Impostas baselgia evangelica 10.5 %
Impostas baselgia catolica 6 %

Impostas specielas

Impostas süls stabels 1 ‰
Impostas da müdamaun 2 %
Impostas süls guadagns fundiaris Taxa max. 15 %
   

Impostas specielas

Descendents direct 0 %
Lingia dals genituors 4 %
Oters favurisos 12 %

Cundiziuns leghelas

Ledscha d’impostas chantunela
Ledscha da cumüns e baselgias chantunela
Ledscha d’impostas cumünela

Declaraziun d’impostas

A sun obliedas d’inoltrer la declaraziun d’impostas: persunas natürelas sch’ellas:

  • haun in Grischun lur domicil d’impostas tenor dret fiscal.
    Üna persuna ho domicil tenor dret fiscal, sch’ella
    • ho üna dmura da almain 30 dis in Grischun ed üna lavur in Svizra sainza resguarder interrupziuns parzielas
    • ho üna dmura da almain 90 dis sainza avair üna lavur in Svizra
  • sun possessuras, associedas u usufructuarias d’affers in Grischun
  • haun affers in Grischun
  • appartegnan terrain in Grischun u haun drets d’usufrüt
  • marchanteschan  u procureschan terrain in Grischun
  • faun üna lavur persunela in Grischun e vegnan indemnisedas per quella.

Implir our la declaraziun d’impostas

Scha Vus vais dumandas a reguard l’implir our la declaraziun d’impostas pudais as drizzer a l’uffizi d’impostas Schlarigna u a l’Administraziun d’impostas dal chantun Grischun.

    Implir our la declaraziun d’impostas cun SofTax

    “SofTax GR” es la software ufficiela da l’Administraziun d’impostas dal chantun Grischun per implir our la declaraziun d’impostas per persunas natürelas (oblig d’impostas primar e secundar) scu eir per societeds simplas e societeds d’erediteds.

    Download SofTax

    Inoltraziun da la declaraziun d’impostas

    La declaraziun d’impostas stu gnir inoltreda tar l’Administraziun d’impostas chantunela.

    Steuerverwaltung des Kantons Graubünden
    Verarbeitungszentrum 1/KO
    Steinbruchstrasse 18
    CH-7001 Chur

    Termins

    Per l’inoltraziun da la declaraziun d’impostas sun da resguarder ils termins seguaints:

    • 31 marz per impiegos, scolars, students, pensiunos, dischoccupos e societeds d’erediteds
    • 30 settember per independents, societeds simplas e per persunas chi abitan ourdvart dal Chantun cun üna firma in Grischun
    • 30 settember per persunas chi abitan ourdvart dal Chantun cun stabels i’l chantun Grischun (oblig d’impostas restret)

     

    Prolungiaziun da termins

    Dumandas per prolungiaziuns da termins stöglian gnir inoltredas in scrit aunz cha’l termin d’inoltraziun scrouda tar l'uffizi d'impostas. A las dumandas vain respus be sch’ellas nu paun gnir appruvedas u be parzielmaing.

     

    Administraziun cumünela Celerina/Schlarigna
    Uffizi d'impostas
    Via Maistra 97
    7505 Celerina/Schlarigna
    T +41 81 837 36 82
    thomas.michel@celerina.ch

     

    Scha qualchün nun ho survgnieu il formuler per la declaraziun d’impostas

    A nu’s vain delibero da l’oblig d’inoltrer la declaraziun d’impostas tenor termin, scha que nu s’ho survgnieu il formuler correspundent. (Art. 127 cudesch penel). Chi chi nun ho survgnieu ils formulers po adüna puster la documainta correspundenta tar l’uffizi d’impostas da la vschinauncha u tar l’Administraziun d’impostas chantunela a Cuira. 

    Impostas a la funtauna

    A las impostas a la funtauna suottastaun impiegos esters, chi nun haun il permiss da domicil da la polizia d’esters, chi abitan però in Grischun e lavuran scu impiegos.

    Dumandas?

    Tar dumandas per las instrucziuns, tariffas, formulers da rendaquints  e’l rendaquint da las impostas a la funtauna staun a disposiziun:

    Secziun impostas a la funtauna Cuira
    quellensteuer@stv.gr.ch

    Rendaquint impostas a la funtauna / Infurmaziuns generelas:
    Regula Gort, T +41 81 257 33 49

     

    Ulteriuras infurmaziuns

    Taxa da giasts e turissem

    Promoziun da l’infrastuctura turistica

    Per la promoziun dal lö da cura, sport e temp liber inchascha la vschinauncha üna taxa da cura e sport. Quella e la taxa per la promoziun da l’economia per firmas serva per l’amegldramaint da l’infrastructura turistica e sustegna il marketing da turissem. Mincha giast chi pernotescha illa vschinauncha da Schlarigna e chi ho la pussibilted da druver la spüerta turistica sainza declarer il domicil da dret d’impostas, ho da pajer la taxa dals giasts.

    Tourismusgesetz
    Fragebogen zur Nutzung Ihrer Wohnung in Celerina
    Informationsblatt - Tarifübersicht
    Questionario per l'uso del vostro appartamento a Celerina
    Scheda informativa - Panoramica delle tariffe
     

    A+
    A-