Scoula primara

La scoula primara as rechatta sper la sela polivalenta i’l center da Schlarigna. Ils iffaunts da la 1. fin 4. classa vegnan instruieus per rumauntsch e tudas-ch. In 5. e 6. classa vain tiers auncha l’inglais.

Magistras/magisters da classa

1. Classa
Duonna Morena Peloni

2. Classa
Duonna Morena Peloni

Duonna Melanie Baumgartner

3. Classa
Sar Gian Nicolay

4. Classa
Sar Eric Agrippi

5. Classa

Duonna Melanie Baumgartner

Sar Graziano Baracchi

6. Classa
Sar Graziano Baracchi

Persunas d’instrucziun da rams speciels

Aint il an da scoula 2021/22 instruischan las seguaintas persunas da rams speciels:

Pedagoga curativa
Duonna Tamara Bertschinger
Duonna Claudia Pollini
Duonna Lisa Vogt

Inglais
Duonna Jacqueline Nicolay

Zambrager textil
Duonna Jacqueline Nicolay

Promoziun d’iffaunts da lingua estra
Duonna Antoinette Keiser
Duonna Elisabeth Marugg

Promoziun d’iffaunts da lingua estra Scoulina
Duonna Morena Peloni
Duonna Antoinette Keiser

Religiun
Sar Vlado Pancak (kath.)
Duonna Karolina Jarosz (kath.)
Duonna Lydia Ilmer (ref.)

 

Spüertas da promoziun (PIN)

Promoziun integrativa

Promoziun integrativa cu prevenziun (PIN P)
Quista promoziun vain da bun ad iffaunts illas classas u in scoulina chi haun dabsögn da promoziun per ün temp limito e que pervi d’ün disturbi d’imprender u da cumportimaint. 

Promoziun integrativa sainza adattaziun da böts d’imprender (PIN S)
Quista promoziun es previsa per iffaunts cun difficulteds da ler u da scriver (legastenia), tar iffaunts cun difficulteds in matematica (discalcülia) u tar da quels cun disturbis dal cumportimaint e que per ün temp pü lung. Ils böts d’imprender nu vegnan cò adattos.

Promoziun integrativa cun adattaziun dals böts d’imprender (PIN C)
Ella sustegna ad iffaunts cun ün disturbi d’imprender pü complex u/e cun disturbis gravants i’l cumportimaint. Tar quista promoziun vegnan adattos ils böts d’imprender.

Scoulaziun speciela
Ella cumpiglia la promoziun e la scoulaziun d’iffaunts chi nu rivan da seguir a l’instrucziun melgrô las promoziuns descritas survart.

Promoziuns d’iffaunts surdotos

Ella promouva ad iffaunts chi possedan capaciteds, creativited e motivaziun sur la media. Quista gruppa da promoziun vain instruida ed organiseda illa regiun a San Murezzan. L’instrucziun cumpiglia ün mez di per eivna.

 

Promoziun da duns

Tuot ils iffaunts da nossa scoula possedan duns speciels chi dessan gnir promovieus. Cò vegnan organisedas differentas occurenzas, saja que per tuot la scoula, per singulas classas u gruppas d’iffaunts: eivnas da proget, lavur illa staunza da resursas, activiteds libras, compacting ed uschedits workshops.
 

Logopedia

Illa logopedia vegnan trattos iffaunts da scoula u scoulina chi haun disturbis da lingua, d’udida u difficulteds cun discuorrer e chi sun tres que limitos in lur capacited da comunicaziun.


Terapia psicomotorica

Illa terapia da psicomotorica vegnan trattos iffaunts da scoula u da scoulina chi haun difficulteds psicomotoricas. Böts da quist’instrucziun sun la promoziun d’ün sentimaint positiv dal corp, il svilup da la percepziun e’l rinforz illa fiduzcha in se stess.

 

Instrucziun e promoziun per iffaunts da linguas estras (assimilaziun)

Quista fuorma da promoziun dess sustgnair la scolarisaziun directa illa classa regulera u illa scoulina. Ils iffaunts sun uschè da prüma davent integros in lur classa. Els vegnan però sustgnieus speratiers illas linguas d’instrucziun (rumauntsch/tudas-ch) e que dad üna persuna d’instrucziun chi promouva specielmaing iffaunts da lingua estra.

L’instrucziun per iffaunts da lingu’ estra ho lö per regla düraunt l’instrucziun regulera. La quantited da lecziuns da quista promoziun vain adatteda a las capaziteds dals iffaunts ed a las pussibilteds da la scoula u da la scoulina. Ideel es scha'ls iffaunts vegnan scolos al cumainzamaint intensivmaing. In scoula voul que dir cha quist instrucziun cumpiglia 5 fin 10 lecziuns per eivna, in scoulina duos lecziuns per eivna. Tenor l’intensited da l’instrucziun paun las lecziuns gnir reduzedas continuaintamaing zieva bundant ün an. 

Per regla vess que d’esser pussibel da schmetter cun quist’instrucziun al seguond an da scolaziun. Decisiv es cha’ls iffaunts as saun exprimer e cha saun seguir a l’instrucziun. Davart la düreda e la finischiun da quist’instrucziun e promoziun decida il cussagl da scoula insembel cullas persunas d’instrucziun.

 

A+
A-