Revier forestel

Revier forestel

Dürabilited

Scu maxima la pü ota sto la dürabilited. Que voul dir per nus cha nus nu schmerdschains dapü laina cu que chi crescha zieva in möd natürel. La quantited da laina vain quinteda sur tuot il territori cumünel. Perque esa pussibel cha vain schmers in ün lö bger dapü cu que chi crescha zieva.

Zieva però nu vain fatta pü üngün’ütilisaziun per var 20 ans. A vain eir runcho be in üna pitschna part dal god que chi voul dir, cha tuot in tuot e sur 20 ans vain runcho be taunt cu chi crescha zieva.

 

Procedura da ringiuvnimaint

Pervi da motivs da l’istorgia sun noss gods fich vegls. Gods stabils, sauns e da valur ecologica consistan da bgers grôs d’otezza e da tuot las sorts chi creschan in möd natürel. Que es eir il böt da la zercleda. Per promouver la vetta bassa e media dals gods stu gnir fat plazza. Que vain fat cun alluntaner bös-chs vegls (ma na tuots) per metter a disposiziun glüsch, chod e substanzas nudritivas als bös-chs giuvens. Bgers bös-chs vegls sun marschs dadains. Our da motivs da sgürezza esa ura e temp da’ls schmerdscher, taunt pü cha la valur dal trunch chala svelt zieva ün temp determino. Scha que do però la pussibilted da’ls lascher ster u per terra, alura sun quels fich prezius per la biodiversited e pel ecosistem god.

 

Biodiversited

Ils spazis da viver multifars e prezius i’ls gods da Schlarigna vegnan mantgnieus e promovieus d’üna vart cun fuormas d’ütilisaziun specielas e da l’otra vart cun augmaints da valur cun sorts specificas. Scu già manzuno, es laina veglia e per uschè dir morta da fich granda importanza pel muond da las bes-chas e plauntas. Ün terz da tuot ils scarafgs chi vivan aint ill god, abitan in laina morta. Eir il pichalain chatta la granda part da sia basa da vita in bös-chs vegls. Scha’l bös-ch nu serva a las bes-chas scu habitat vain il trunch schmers e vendieu.

 

Vendita da laina

Culla vendita da la laina pudainsa finanzier ulteriuras imsüras scu per exaimpel rumidas da tagl u zercledas da god giuven sainza richev. Süls lös schmers creschan zieva ca. tschinch ans bös-chs giuvens. Sün quist’otezza drouva que ün po pazienza fin cha’l success dvainta visibel.

God da protecziun

Il god po eir servir scu protecziun. Impustüt lo, inua cha stöglian gnir protets umauns ed infrastructuras. Lös da boudas u zonas da distachamaint da lavinas. Il böt da las intervenziuns i’l god  es da preserver il numer da bos-cha d’ün surinvegliamaint e da mantegner uschè las structuras per la protecziun.

God da recreaziun

Üna granda part dals gods a Schlarigna servan, sper ils böts manzunos aunz, eir scu god da recreaziun. Per accumplir tuot ils giavüschs, bsögna que üna buna planisaziun, ün’ütilisaziun dürabla da l’umaun, üna gestiun dal spazi scu eir ün’ütilisaziun cun respet da tuot las persunas e bes-chas chasaunas (chauns vi da la tschinta), chi’s mouvan il ecosistem fascinant god.

Concept dal spazi da las runchedas.

Nus pruvains da planiser las runchedas üna dasper l’otra. Uschè po reagir la fauna  meglder süls disturbis. Pellas vias es que eir ün avantag, ellas vegnan nüzzagedas be üna vouta ed in lös limitos.

Formuler da postaziun

Postaziun minimela da laina dad arder ½ ster (1 ster = 1m3).

Furniziuns da laina dad arder vegnan fattas scha pussibel in venderdi.

Predschas sainza impostas da püvalur.

Glista da laina
Sort da lainaUnitedPredschQuantited
Adressa
Submit
1 ster ≘ 1m3
Predschs sainza impostas da püvalur

Lavuors specielas da Luigi

S-chaffir dal bel our da laina engiadinaisa

La creativited da Luigi Frigerio nu cugnuoscha bod üngüns cunfins scha que vo per s-chaffir bels ogets our da laina engiadinaisa. Ch’Els comunicheschan Lur giavüschs e nus fains propostas ed offertas.

Contact

Uffizi forestel Celerina-Bever
Jon Signorell
Mneder Uffizi forestel
Via Maistra 97
CH-7505 Celerina/Schlarigna
T +41 81 837 36 98
M +41 79 331 81 51
jon.signorell@celerina.ch

Taburè da lain model “Sämi”
Bügl da lain model “Osi”
Chaschina da fluors model “Sepp”
Baunch cumbino cun chaschina da fluors model “Michi”
Inscripziuns sün fuonz da lain
Bauncha sainza spuonda model “Robert”
Baunch cun spuonda model “Leo”
 

Maisa model “Staz”
Maisa model “Cembro”
Maisa e baunch model “Stefan”
Maisa e baunch model “Max”
Maisa e baunch model “Dario”
Chadregia model “Luis”
Chadregia model “Lisa
 

Jobs da vacanzas

A partir da 14 ans poust tü lavurer düraunt las vacanzas per duos eivnas tar l’uffizi forestel da Schlarigna. Tü’ hest da fer impustüt lavuors our il liber, per exaimpel cumader e reparer sendas, rammasser immundizchas, cumader implaunts turistics (föclers, baunchins, sadellas d’immundizchas), cunagir pasculs, rumir zieva tagls da bos-cha, sger pros e.u.i. Nus impiegains maximelmaing 2 scolars a la vouta. A vela il termin d’annunzcha.

Ils temps da lavur sun:

Lündeschdi fin gövgia:
07.00 fin 12.00
13.00 fin 17.30

Venderdi:
07.00 fin 12.00
 

Equipamaint:

  • Vstieus pratics
  • Bunas s-charpas (Trekking, s-charpas da muntagna)
  • Guaunts adattos
  • Protecziun cunter la plövgia, ögliers, crema da sulagl
  • Chapè u chapütscha

Marenda:

Avuonda da baiver e qualchosa da gianter pel prüm di. Zieva vainst a savair mincha di scha tü mangiast our i’l liber u a chesa

Sgüraunza:

Sgüro tres la vschinauncha cuner accidaints

Indemnisaziun:

Pauschel CHF 300.— per eiva

Annunzcha:

Per cha tü poust t’annunzcher per üna lavur da vacanzas, chargiast giò il fögl d’annunzcha, il implast our e suottascrivast insembel cun tieus genituors. Il formuler poust tü trametter via Fax u charta a nus.

 

Uffizi forestel Schlarigna-Bever
Jon Signorell
Silvicultur da revier
Via Maistra 97
CH-7505 Celerina/Schlarigna 
T +41 81 837 36 98
M +41 79 331 81 51
jon.signorell@celerina.ch
 

A+
A-